نعت رسول صلی اللّٰہ علیہ وآلہ وسلم
کرو اک وار میرے ول ،نگاہواں یا رسول اللّٰہ ﷺ
تساں دے عشق دا میں فیض پاواں یا رسول اللّٰہ ﷺ
میں “جَآءُوْكَ” دی نص سن کے ، تساں دے در تے آئی آں
تسی ہن معاف کرواؤ، خطاواں یا رسول اللّٰہ ﷺ
تصدق آل و عترت دا ، میری جھولی دے وچ پاؤ
میں صدقہ آل تیری دا ہی کھاواں یا رسول اللّٰہ ﷺ
مدینہ عاشقاں دے دل دی ٹھنڈک ، چین اکھیاں دا
اے حسرت دل دی اے کہ چین پاواں یا رسول اللّٰہ ﷺ
خدایا ! بحر احمد ﷺ میری دلڑی دی دعا سنڑ لے
خدا دے واسطے سنڑ لو صداواں یا رسول اللّٰہ ﷺ
بڑے عالی بخت ہن آپ دے در دے غلام آقا ﷺ!
حضوری دا اے موقع میں وی پاواں یا رسول اللّٰہ ﷺ
زمانے بھر دی دولت ایس نسبت تے لٹا دیواں
بروزِ حشر جے ” تیرا ” سداواں یا رسول اللّٰہ ﷺ
مدینے جا کے آنڑا موت ہے سرکار ﷺ عاشق لئی
مدینے جاواں تے فیر مڑ نہ آواں یا رسول اللّٰہ ﷺ
