Author: محمد ہشام علی ہاشمی

لفظوں کے افق پر ایک تازہ مگر گہرا رنگ چھوڑنے والا نام محمد ہشام علی ہاشمی جن کا تعلق پنجاب کے مہکتے ہوئے علمی و ادبی خطے جھنگ صدر سے ہے، اور اب دلِ پاکستان لاہور کو اپنا مسکن بنا چکے ہیں۔ جہاں ایک طرف وہ آئی ٹی ڈیپارٹمنٹ میں اپنی پیشہ ورانہ خدمات سرانجام دے رہے ہیں، وہیں دوسری جانب ان کا دل ادب کے دریچوں سے جھانکنے، دکھوں کو لفظوں میں ڈھالنے اور احساس کو صفحۂ قرطاس پر بکھیرنے میں مصروف رہتا ہے۔

ان کی بیشتر تخلیقات انہی مظلوم فضاؤں کی بازگشت لیے ہوئے ہوتی ہیں، جہاں اذیتیں روزِ اول سے آباد ہیں، اور بچپن صرف تصویروں میں مسکراتا ہے۔ وہ لکھتے نہیں، گویا دنیا کے ضمیر کو جھنجھوڑتے ہیں۔ سوال بھی، دعا بھی ہے اور ایک دائمی احتجاج بھی۔

اب تک ان کے قلم کی خوشبو کئی انتھولوجیز، ادبی جرائد اور اخبارات کی فضا کو معطر کر چکی ہے، اور ان شاءاللہ، جلد ہی ان کی تحریریں کتابی صورت میں قارئین کے دل و ذہن کو چھو لینے کے لیے منظرِ عام پر آئیں گی۔

محمد ہشام علی ہاشمی ایک ایسا نام جو لفظوں میں درد کو بساتا ہے، اور جذبات کو اس طرح مجسم کرتا ہے کہ پڑھنے والا صرف پڑھتا نہیں، محسوس کرتا ہے، خاموش ہو جاتا ہے، اور شاید دیر تک سوچتا رہتا ہے۔